Ջրոլորտ

1.          Ինչպիսի՞ ջուր ենք խմում մենք:

Հայաստանում օգտագործվում է ջրի երեք տեսակ: Դրանք են`

1.               Շշալցված ջուր

Հայաստանում շատերը օգտագործում են շշալցված ջուր, չնայած նրան, որ շշալցված խմելաջրի որակի ստուգում չի կատարվում, չնայած ժամանակին կատարվել է, բայց համաձայն Կառավարության 2009թ.-ի մայիսի 29 թիվ 594 Ն որոշմամբ հունիսի 1-ից մինչև 2011թ.-ի հունվարի մեկը դադարեցվում է մանր ու միջին ձեռնարկություններում վերահսկողությունը՝ արտադրությունը խթանելու համար: Բացի այդ Հայաստանում մի քանի շշալցված խմելաջուր և այլ ըմպելիքներ արտադրող ընկերություններ են գործում: Արդյունքում մեր երկրում առաջանում է բավականին պատկառելի պլաստիկե աղբակույտ, որը լուրջ վնաս է հասցնում բնությանը:

2.               Ծորակի ջուր

Հայաստանի ծորակներից եկող ջուրը շատ ավելի լավն է քան շատ ու շատ երկրների ջրերը։ Երևանի խմելու ջուրը լիովին համապատասխանում է հանրապետությունում գործող որակի չափորոշիչներին, հայտարարել է «Երևան ջուր» ՓԲԸ–ի մամուլի քարտուղար Մուրադ Սարգսյանը։ Նա նշել է, որ տասն աղբյուրներից ինը աղբյուրի ջուր է, իսկ մեկը Արարատի դաշտավայրում գտնվող խորքային ջրհորից է` արտեզյան։ Մեր օրերում խմելու ջուրը սպառման եզրին է: Շատ երկրներ չունեն նույնիսկ խմելու ջուր և ստիպված են ուրիշ ելք ման գալ: Շուտով ջուրը նավթից էլ թանկ և անհրաժեշտ կդառնա և Հայաստանը այն միակ երկրներից է, որտեղ կարելի է ծորակը բացել և ջուր խմել առանց տհաճության զգացումի:

3.               Ֆիլտրացված ջուր

Ֆիլտրացված ջուրը արագ առաջընթաց է ապրում նաև Հայաստանում։ Արդեն գրեթե բոլորը ունեն բնակարանային ֆիլտրներ, որոնցից օգտվելը շատ հեշտ է, պարզապես պետք է սովորական ջուր լցնել ֆիլտրի վերևի հատվածը և սպասել մինչևվ ջուրը ֆիլտրացվի: դա տևում է մի քանի վայրկյան։ Ջուրը անցնում է ածխի շերտով և դուք ստանում եք իդեալական մաքուր ջուր:

2.   Ի՞նչն է աղտոտում մեր միջավայրի ջուրը

Հին հունական լեգենդներց մեկը ասում է.
Կախարդուհի Ցիրցեյան իր հակարակորդ Սկիլլայից ազատվելու համար հրամայում է թույն լցնել այն աղբյուրի մեջ, որտեղ լողանում էր իր թշնամին։ Աղբյուրը լցվում է զզվելի հրեշներով…: Սա ուղղակի լեգենդ է, բայց արդյո՞ք նույն բանը չի կատարվում նաև իրականում։ Ահա այսօրվա իրական թվերը։ Բոլոր հիվանդությունների 80%–ի պատճառն է աղտոտված ջրի օգտգործումը: 5000000 նորածին երեխա ամեն տարի մահանում է այն հիվանդություններից, որոնք առաջացել են այն ջրի պատճառով, որը խմել են իրենց մայրերը։ Անհանգստացնող վիճակագրությունը մեզ է ներկայացրել Առողջապահության միջազգային կազմակերպությունը։ Ի՞նչ է կատարվում աշխարհում։ Պատասխանը մեկն է, ջրային ռեսուրսների ոչ ռացիոնալ օգտագործումը, հատկապես զարգացած արդյունաբերական երկրներում բերում է բնական հավասարակշռության խախտմանը` գետերի, լճերի, ստորերկրյա ջրերի և համաշխատհային օվկիանոսի աղտոտմանը։

    

3.  Ինչե՞ս է ազդում աղտոտված ջուրը ձեր առողջության վրա:

Ջուրը որը մենք խմում ենք, պետք է անպայման մաքուր լինի: Հիվանդությունները, որոնք փոխանցվում են աղտոտված ջրի միջոցով, առաջացնում են առողջական լուրջ պռոբլեմներ, հաշմանդամություն և բերում է մեծ քանակությամբ մարդկանց զոհերի` հատկապես երեխաների: Աղտոտված ջուրը կարող է պատճառ դառնալ այնպիսի հիվանդությունների ինչպիսիք են` տիֆը, դիզենտերիա, խոլերա, ստամոքսային ինֆեկցիա, բրուցելյոզ և այլն:       

4.  Ինչպես պահպանենք ջրոլորտը աղտոտումից

Մաքուր ջուրը այն երեք հիմնական տարրերից է, որի վրա է հիմնվում մեր կյանքը (ջուր, սնունդ, օդ): Ջուրը մաքրելու հիմանական միջոցներից է ֆիլտրերի տեղադրումը:  մեծ արդյունաբերական գործարանները տեղադրում են նման ֆիլտրեր իրենց ջրատար խողովակների վրա: Կան նաև այլ մեթոդներ. Իոնային, ուլտրամանուշակագույն, դիստիլացիոն  մաքրումներ, որոնք ցավոք շատ թանկարժեք են և չեն կարող իրականցվել մեծ քանակներով: Բաըց իմ կարծիքով ամենակարևորը այն է, որ ջրոլորտը մարդու կողմից չաղտոտվի:

Աղբյուրներ` http://www.aysor.am/am/news/2009/07/15/shishdjur/

http://watersite.ru/chto-zagryaznyaet-vodu-i-kak-ee-ochishhayut

http://vodoobmen.ru/07-health.html